მაკა ბოჭორიშვილი: ლუქსემბურგის საგარეო საქმეთა მინისტრს, სხვა კოლეგებისგან განსხვავებით, ყოველთვის აქვს სურვილი, პირადად მოისმინოს ქართული მხარის პოზიციები, რასაც ნამდვილად ვაფასებთ

მისასალმებელია, როდესაც კოლეგას შეხვედრის სურვილი უჩნდება, გაიგოს რა ხდება რეგიონში, საქართველოში და როგორ შეიძლება წვლილი შევიტანოთ საქართველო-ევროკავშირის დიალოგში და ურთიერთობებში, - განაცხადა საქართველოს ვიცე-პრემიერმა საგარეო საქმეთა მინისტრმა მაკა ბოჭორიშვილმა.

როგორ მან აღნიშნა, ლუქსემბურგის საგარეო საქმეთა მინისტრი, მისი სხვა კოლეგებისგან განსხვავებით, არასდროს ამბობს უარს დიალოგზე.

„თქვენ ხედავთ, რომ ლუქსემბურგის საგარეო საქმეთა მინისტრი, სხვა მისი კოლეგებისგან განსხვავებით, არასდროს ამბობს უარს დიალოგზე. ჩვენ ძალიან ხშირად გვაქვს შეხვედრები, ხშირად ვსაუბრობთ. მას ყოველთვის აქვს სურვილი, პირადად მოისმინოს ქართული მხარის პოზიციები ამა თუ იმ საკითხზე. ამას ნამდვილად ვაფასებთ, რადგან მიდგომა, რასაც ხედავს ევროკავშირში, არ არის მოსაწონი. ძალიან ხშირად მიმდინარეობს დისკუსიები საქართველოზე, მაშინ როდესაც საქართველოს არავინ ეკითხება პოზიციების დაფიქსირებას, არავინ ეკითხება თუ რა ხდება საქართველოში ჩვენი პერსპექტივიდან. შესაბამისად, მისასალმებელია, როდესაც მსგავსი სურვილი უჩნდება კოლეგას, რომ გაიგოს რა ხდება რეგიონში, საქართველოში, რა გამოწვევების წინაშე დგას ქვეყანა და როგორ შეიძლება გავაჯანსაღოთ და წვლილი შევიტანოთ საქართველო-ევროკავშირის დიალოგში და ურთიერთობებში“, - განაცხადა ბოჭორიშვილმა.