მალხაზ გულაშვილი ევროკომისიის ლგბტქ+ სტრატეგიაზე: ეს არის დემოკრატიის პრინციპების დარღვევა, რადგან ოჯახი წყვეტს, თავისი შვილი რა გზას და როგორ დაადგეს - ამ გამოწვევებს საქართველო როგორც პასუხობს, კვლავ ისე უნდა უპასუხოს

მგონია, რომ ბევრი რამე შეიცვლება ევროკავშირში. ვხედავთ, რომ აშშ და ჩინეთი რაღაც ახალ თამაშის წესზე თანხმდებიან, გეოპოლიტიკურად ძალიან დიდი მოთამაშეები არიან და ორივე ქვეყანაში ხელისუფლებაში არის ძალა, რომელიც ამ სიგიჟეს, რასაც თავს გვახვევენ, მხარს არ უჭერს, - განაცხადა გადაცემაში „EURO ანატომია“ „ჯორჯიან თაიმსის“ დამფუძნებელმა, საერთაშორისო ურთიერთობათა დოქტორმა, მალხაზ გულაშვილმა ევროკავშირის ამჟამინდელ პოლიტიკაზე საუბრისას.

მალხაზ გულაშვილმა ისაუბრა ევროკავშირის 2026-2030 წლების ლგბტქ+ ახალი სტრატეგიის შესახებ, რომელიც ბავშვებს სქესის შეცვლის სამართლებრივ პროცედურებს ამარტივებს და ლგბტ პროპაგანდაზე ბარიერების მოხსნას ითვალისწინებს. მან ამ ფაქტს დემოკრატიის პრინციპების დარღვევა უწოდა.

„ეს არის დემოკრატიის პრინციპების დარღვევა, რადგან ოჯახი წყვეტს, თავისი შვილი რა გზას და როგორ დაადგეს და არც ერთ საერთაშორისო ორგანიზაციას არანაირი უფლება არ აქვს მიუთითოს ნებისმიერ ქვეყანას სქესის შეცვლაზე ან არ შეცვლაზე. არანაირი უფლება არ აქვს, ლოგინში ჩაუძვრეს გინდა პატარას, გინდა - დიდს.

ამ გამოწვევებს საქართველო როგორც პასუხობს, კვლავ ისე უნდა უპასუხოს, მყარად უნდა დადგეს და უნდა შეინარჩუნოს ის პოზიცია, რა პოზიციასაც ინარჩუნებს მტკიცედ და შეუპოვრად“, - აღნიშნა მალხაზ გულაშვილმა.