მარიამ ლაშხი: ხელისუფლება დღესაც მზად არის გადაიტვირთოს ურთიერთობები და თუ ვინმემ პირველი ნაბიჯი უნდა გადადგას, ვფიქრობ ეს უკრაინაა

ხელისუფლება დღესაც მზად არის გადაიტვირთოს ურთიერთობები და თუ ვინმემ პირველი ნაბიჯი უნდა გადადგას, ვფიქრობ ეს უკრაინაა, - განუცხადა „ქრონიკას“ განათლების, მეცნიერებისა და ახალგაზრდობის საკითხთა საპარლამენტო კომიტეტის თავმჯდომარე მარიამ ლაშხმა.

ლაშხის თქმით, მიუხედავად საქართველოს მხრიდან უკრაინისთვის გაწეული ჰუმანიტარული დახმარებებისა, მათ შორის, განათლების კუთხით, უკრაინული სექტორის გახსნისა, მათი მხრიდან უმადური განცხადებები ისმოდა.

„გავიხსენოთ ომის დაწყებამდეც ერთ-ერთი პირველი რეზოლუცია, რომელიც პარლამენტის კედლებში შემუშავდა. ეს იყო საგარეო კომიტეტის მხრიდან, რომელიც მოუწოდებდა საერთაშორისო საზოგადოებას ომის არდაშვებას.

მიუხედავად ყველა ამ ნაბიჯისა, ჩვენ ვნახეთ უკრაინის მხრიდან განცხადებები, შეიძლება ითქვას უმადური განცხადებები. ასევე, მოგვიწოდებდნენ გაგვესეირნა, მათ შორის ოკუპირებულ ტერიტორიებზე და ეს ომი მათი მხრიდან გადმოგვეტანა ჩვენს მხარეს. სწორედ ასეთ განცხადებებს უნდა დავუწუნოთ მორალი.

ხელისუფლება დღესაც მზად არის გადაიტვირთოს ურთიერთობები და თუ ვინმემ პირველი ნაბიჯი უნდა გადადგას, ვფიქრობ ეს უკრაინაა“, - აღნიშნა მან.

პრემიერი ზელენსკისთან შეხვედრაზე: პრობლემები რაც იყო, რა თქმა უნდა, არსად წასულა, თუმცა ჩვენ უნდა ვიყოთ მომავალზე ორიენტირებულნი, გუშინ ვიყავით კონცენტრირებულები მეგობრულ საუბარზე და ეს იყო სულისკვეთება, რაც იყო ძალიან მნიშვნელოვანი