მათიკაშვილი: 4 ოქტომბრის საქმე იმდენად მკაფიოა, თუკი ვინმე ცდილობს, იმ სამართლებრივ რეალობას, რაც მთელმა საზოგადოებამ იხილა, დაარქვას სხვა სახელი, ის ან ცდილობს, ფაქტები დაამახინჯოს, ან აქვს მცდელობა, სიმართლე ტყუილად შეასაღოს საზოგადოებას
იმედი|imedinews.ge
საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილი 4 ოქტომბრის საქმეზე სასამართლოს გადაწყვეტილებას ეხმაურება.
„4 ოქტომბრის საქმე არის იმდენად მკაფიო, ადვილად დასანახი და გასაგები ყველასთვის, რომ თუკი ვინმე ცდილობს, იმ სამართლებრივ რეალობას და პრაქტიკულ მოცემულობას, რაც მთელმა საზოგადოებამ იხილა, დაარქვას სხვა სახელი, შეუცვალოს ფაბულა და რაღაც პოლიტიკურ ამპლუაში გადაზარდოს, ცხადია, რომ ის ან შეგნებულად ცდილობს, ფაქტები დაამახინჯოს, ან აქვს მიზანმიმართული მცდელობა, სიმართლე ტყუილად შეასაღოს საზოგადოებას“, - განაცხადა მათიკაშვილმა.
სასამართლომ 4 ოქტომბრის საქმეზე ბრალდებულებს - პაატა ბურჭულაძეს, მურთაზ ზოდელავას, ირაკლი ნადირაძესა და პაატა მანჯგალაძეს შვიდ-შვიდი წლით პატიმრობა მიუსაჯა.
გაზიარება:
იმედი
წყარო: imedinews.ge