მედია: არაბთა გაერთიანებული საამიროები ჰორმუზის სრუტის გვერდის ავლით ნავთობსადენის მშენებლობას დააჩქარებს
იმედი|imedinews.ge
არაბთა გაერთიანებული საამიროები ფუჯაირას პორტიდან გამავალი ნავთობსადენის მშენებლობას დააჩქარებს. ინფორმაციას Al Jazeera ავრცელებს.
მედიის ცნობით, აბუ-დაბიში არაბთა გაერთიანებული საამიროების პრეზიდენტის, შეიხ მოჰამედ ბინ ზაიედ ალ ნაჰიანის თავმჯდომარეობით ეროვნული სანავთობო კომპანიის აღმასკომის შეხვედრა გაიმართა. შეხვედრაზე მილსადენის მშენებლობა განიხილეს.
ახალი ნავთობსადენი ნავთობის ტრანსპორტირებას აბუ-დაბიდან ომანის ყურეში მოახდენს ისე, რომ ჰორმუზის სრუტეს გვერდს აუვლის.
როგორც Al Jazeera იუწყება, ახალი ნავთობსადენი მუშაობას 2027 წელს დაიწყებს და არაბთა გაერთიანებული საამიროების ნავთობის ექსპორტის სიმძლავრეებს გააორმაგებს.
გაზიარება:
IM
იმედი
წყარო: imedinews.ge