მედია: პოლონელების თითქმის 60% უკრაინის ევროკავშირში გაწევრიანებას ეწინააღმდეგება

პოლონეთის მოსახლეობის თითქმის 60% უკრაინის ევროკავშირში გაწევრიანებას ეწინააღმდეგება. ინფორმაციას უკრაინული მედია კომპანია IBRiS-ის მიერ ჩატარებული გამოკითხვის შედეგებზე დაყრდნობით ავრცელებს.

გამოკითხვის შედეგების მიხედვით, რესპონდენტთა 59,7% არ უჭერს მხარს უკრაინის ევროკავშირში გაწევრიანებას. მათგან 32,3% აცხადებს, რომ „სრულად წინააღმდეგია“, ხოლო 27,4% - „უფრო წინააღმდეგია“.

ამავდროულად, გამოკითხულთა 35,4% უკრაინის ევროკავშირში გაწევრიანებას მხარს უჭერს, მათ შორის 8,4% - „სრულად მხარს უჭერს“, ხოლო 26,9% - „უფრო მხარს უჭერს“. 5%–ს ამ საკითხზე პოზიცია არ აქვს.

კვლევის მიხედვით, უკრაინის ევროკავშირში გაწევრიანების მხარდაჭერა მნიშვნელოვნად მაღალია პოლონეთის მმართველი კოალიციის ამომრჩევლებში.

კერძოდ, „სამოქალაქო პლატფორმის“, „მემარცხენეების“, „პოლონეთის სახალხო პარტიის“ და „პოლონეთი 2050“-ის მხარდამჭერთა 64% უკრაინის გაწევრიანებას მხარს უჭერს, ხოლო 32% წინააღმდეგია.

ოპოზიციური პარტიების, მათ შორის „კანონი და სამართალი“, „თავისუფლება და დამოუკიდებლობა“, „პოლონეთის გვირგვინის კონფედერაცია“ და „ერთად“, ამომრჩევლებს შორის კი სურათი საპირისპიროა: მხოლოდ 24% უჭერს მხარს უკრაინის ევროკავშირში გაწევრიანებას, ხოლო 73% წინააღმდეგია.

გამოკითხვა 12–13 ივნისს სატელეფონო ინტერვიუების მეთოდით ჩაატარა. კვლევაში მონაწილეობდა 1 068 რესპონდენტი.