მედია: თეირანი ვაშინგტონისგან სამშვიდობო შეთანხმების დასადებად საზღვაო ბლოკადის მოხსნას, ირანის გაყინული აქტივების განბლოკვას, ომის შედეგად მიყენებული ზიანის ანაზღაურებას ითხოვს
ირანის საგარეო საქმეთა მინისტრის მოადგილემ, ქაზემ ღარიბაბადიმ ისლამური რესპუბლიკის პარლამენტის ეროვნული უშიშროების კომიტეტს აშშ-თან მიმდინარე სამშვიდობო მოლაპარაკებების შესახებ განახლებული ინფორმაცია წარუდგინა. ინფორმაციას Al Jazeera ავრცელებს.
ღარიბაბადის თქმით, ირანმა აშშ-ს სამშვიდობო შეთანხმების აუცილებელ პირობად ყველა ფრონტზე, ლიბანის ჩათვლით, საომარი მოქმედებების შეწყვეტა, აშშ-ის მიერ დაწესებული საზღვაო ბლოკადის მოხსნა, ირანის გაყინული აქტივების განბლოკვა, ომის შედეგად მიყენებული ზიანის ანაზღაურება, ყველა ცალმხრივი სანქციებისა და გაეროს უშიშროების საბჭოს მიერ მიღებული რეზოლუციების გაუქმება და ირანის პერიფერიიდან ამერიკული ჯარების გამოყვანა მოითხოვა.
როგორც საგარეო საქმეთა სამინისტროს მიერ მომზადებულ ანგარიშშია აღნიშნული, ირანმა ურანის გამდიდრებისა და მშვიდობიანი ბირთვული პროგრამის გაგრძელების უფლება უნდა დაიტოვოს.
იმედი
წყარო: imedinews.ge