მედია: უკრაინამ კრასნოდარის მხარეში ნავთობის საცავი დაბომბა

უკრაინის შეიარაღებულმა ძალებმა დრონებით რუსეთის კრასნოდარის მხარეში ნავთობის საცავი დაბომბა. ინფორმაციას უკრაინული მედია ავრცელებს.

სოციალურ ქსელში ადგილობრივი მოსახლეობა შემთხვევის ამსახველ ვიდეოკადრებს ავრცელებს. კადრებზე ჩანს, თუ როგორ იწვის კრასნოდარის მხარის კრასნოარმეისკის რაიონში მდებარე სანავთობო ინფრასტრუქტურა.

კრასნოარმეისკის რაიონის ხელმძღვანელის ალექსანდრე ხარიტონოვის განცხადებით, ნავთობის საცავში ცეცხლი მას შემდეგ გაჩნდა, რაც მას დრონის ნაწილები დაეცა.

უკრაინულ მხარეს ნავთობის საცავის დაბომბვა ოფიციალურად ჯერ არ დაუდასტურებია.