მედია: უკრაინამ მოსკოვზე უკანასკნელი ორი წლის განმავლობაში დრონებით ყველაზე მასშტაბური შეტევა განახორციელა

უკრაინამ მოსკოვზე უკანასკნელი ორი წლის განმავლობაში უპილოტო საფრენი აპარატებით ყველაზე მასშტაბური შეტევა განახორციელა. ინფორმაციას რუსული მედია ავრცელებს.

როგორც მოსკოვის მერი სერგეი სობიანინი იუწყება, დილიდან რუსეთის ჰაერსაწინააღმდეგო სისტემამ უკვე ჩამოაგდო დაახლოებით 180 დრონი. თავდასხმა ამ წუთებშიც გრძელდება.

აღსანიშნავია, რომ მანამდე ყველაზე მეტი დრონი მოსკოვის თავზე 17 მაისს ჩამოაგდეს. მაშინ უკრაინამ რუსეთის დედაქალაქს 81 უპილოტო საფრენი აპარატით შეუტია.