მედია: უნგრეთის საგარეო საქმეთა ახალი სამინისტრო ათობით ჩინოვნიკს ათავისუფლებს, თუმცა ინსაიდერები ასობით დათხოვნილსა და პოლიტიკურ ანგარიშსწორებაზე საუბრობენ

უნგრეთის საგარეო საქმეთა ახალ სამინისტროში რეორგანიზაციის ფარგლებში ათობით თანამშრომელი გაათავისუფლეს. უწყების საპარლამენტო მდივნის, დიორდ ლასლო ველკეის განცხადებით, მხარეთა შეთანხმებით კონტრაქტი 45 ოფიციალურ პირს შეუწყდა. აქედან 38 უწყების ახალი ხელმძღვანელობის მიერ შეთავაზებულ პირობებს უკვე დათანხმდა.

ოფიციალური ვერსიით, დათხოვნილი პირები ყოფილი მინისტრის, პეტერ სიიარტოს პოლიტიკური ნომინანტები იყვნენ, რომლებმაც უწყების თქმით, „შელახეს უნგრეთის ავტორიტეტი ევროკავშირში“. ახალი მინისტრის, ანიტა ორბანის უწყება უარყოფს ჭორებს მასობრივი წმენდის შესახებ და აცხადებს, რომ მიზანი სანდო დიპლომატიის აღდგენაა.

მიუხედავად ამისა, გამოცემა Telex-ის წყაროები ამტკიცებენ, რომ გათავისუფლებულთა რეალური რაოდენობა 200-ს აღწევს, ხოლო თავად დათხოვნილი თანამშრომლების ნაწილი მომხდარს პოლიტიკურ ანგარიშსწორებად მიიჩნევს.