მერცი: მშვიდობა, უსაფრთხოება და სტაბილურობა ჩვენთვის და სამხრეთ კავკასიაშიც აუცილებელია - გერმანია და ევროკავშირი სრულად არიან დაინტერესებულნი, რომ ამ გეოპოლიტიკურად მნიშვნელოვანმა რეგიონმა სტაბილურობას მიაღწიოს

მშვიდობა, უსაფრთხოება და სტაბილურობა ჩვენთვის და სამხრეთ კავკასიაშიც აუცილებელია - გერმანია და ევროკავშირი სრულად არიან დაინტერესებულნი, რომ ამ გეოპოლიტიკურად მნიშვნელოვანმა რეგიონმა სტაბილურობას მიაღწიოს, - განაცხადა გერმანიის კანცლერმა, ფრიდრიხ მერცმა აზერბაიჯანის პრეზიდენტთან, ილჰამ ალიევთან ერთად გამართულ პრესკონფერენციაზე.

მერცმა ალიევს სამშვიდობო ხელშეკრულების პარაფირება მიულოცა და აღნიშნა: „ეს ისტორიული ხელშეკრულება ახალ შანსს იძლევა, საბოლოოდ დაძიძლიოს გაჭიანურებული კონფლიქტი“.

მერცის თქმით, გერმანიისა და აზერბაიჯანის პოლიტიკური უსაფრთხოება და ეკონომიკური ინტერესები მასშტაბურმა ომებმა მნიშვნელოვნად დააზარალა.

გერმანიის მთავრობის მეთაურის განცხადებით, მიუხედავად იმისა, რომ ეს ომები ერთმანეთისგან განსხვავდება, „ჩვენ მათი მოლაპარაკებების გზით მოგვარების მომხრენი ვართ“.

„აქ დავრწმუნდით, რომ საბოლოო ჯამში, მყარი მშვიდობის, უსაფრთხოებისა და სტაბილურობის მიღწევა მხოლოდ ამ გზითაა შესაძლებელი. დღეს ერთობლივი დეკლარაციის ხელმოწერით ჩვენ მნიშვნელოვან საფუძველს ვქმნით ჩვენი ურთიერთობების შემდგომი განვითარებისთვის. ამავდროულად, შევთანხმდით აზერბაიჯან-გერმანიის საქმიანი საბჭოს დაარსებაზე. ახლო აღმოსავლეთში მიმდინარე კრიზისის ფონზე, ჩვენს თანამშრომლობას ნავთობის, ასევე სამხრეთის გაზის დერეფნით გაზის მიწოდების სფეროში განსაკუთრებული მნიშვნელობა აქვს“, - აღნიშნა მერცმა და დასძინა, რომ ეს მნიშვნელოვანი სიგნალია ორივე ქვეყნისთვის და გერმანია სერიოზულად ეკიდება აზერბაიჯანთან ურთიერთობების გაფართოებას.