მუსიკალური ფესტივალის ემოციური დასასრული - „ოქსიგენის“ შემოქმედებითმა ჯგუფმა, 25 წლის რუსთაველის, თორნიკე სიუკაევის ოჯახს საჩუქრად ბინა გადასცა

რუსთავში ორდღიან მუსიკალურ ფესტივალს - „ოქსიგენ-ფესტი – 2026“-ს ემოციური დასასრული ჰქონდა. „ოქსიგენის“ შემოქმედებითმა ჯგუფმა, 25 წლის რუსთაველი ახალგაზრდას, თორნიკე სიუკაევის ოჯახს საჩუქრად ბინა გადასცა. ფესტივალის მთავარი სიურპრიზი, ჯგუფი „რეგიონის" სოლისტმა და „ოქსიგენის" დამფუძნებელმა ლაშა ნოზაძემ სცენიდან გააჟღერა.

ფესტივალის მუსიკალური ნაწილი ჯგუფი „რეგიონის", „შერეკილების" „პაპანუსის" და „ალუზიას" კონცერტით დასრულდა. ,,ოქსიგენ ფესტი" რუსთავში რუსთავის მერიის და „ოქსიგენის" შემოქმედებითი ჯგუფის თანაორგანიზებით, უკვე მეხუთედ გაიმართა.