ნატო-ს გამანადგურებლებმა ლატვიის საჰაერო სივრცეში შეჭრილი დრონი ჩამოაგდეს
ნატო-ს გამანადგურებლებმა დილით, ლატვიის საჰაერო სივრცეში შეჭრილი დრონი ჩამოაგდეს. ქვეყნის ეროვნული შეიარაღებული ძალების ცნობით, უპილოტო საფრენი აპარატი რეზეკნესა და კარსავას შორის არსებულ ტერიტორიაზე ჩამოაგდეს. ეს ფრანგულმა გამანადგურებლებმა გააკეთეს, რომლებიც ნატოს ბალტიისპირა ქვეყნების საჰაერო სივრცის პატრულირების მისიაში მონაწილეობენ.
დრონის კუთვნილება მითითებული არ არის, თუმცა აღნიშნულია, რომ ის ლატვიაში რუსეთის რადიოელექტრონული ბრძოლის საშუალებების მეშვეობით შეფრინდა.
დრონები სულ უფრო ხშირად შედიან ლატვიისა და ბალტიის სხვა ქვეყნების საჰაერო სივრცეში რუსეთის ტერიტორიიდან. 7 მაისს ორი უპილოტო საფრენი აპარატი რეზეკნეში, მიტოვებულ ნავთობსაცავთან ახლოს ჩამოვარდა, რის შემდეგაც ლატვიაში პოლიტიკური კრიზისი დაიწყო, რაც მთავრობის გადადგომით დასრულდა.
იმედი
წყარო: imedinews.ge