Newsweek-ი „Trump Tower Tbilisi“-ის შესახებ: დეველოპერული გუნდის თქმით, პროექტი მიზნად ისახავს, საქართველოს დედაქალაქი წარმოაჩინოს, როგორც მნიშვნელოვანი ბიზნესცენტრი და კარიბჭე საერთაშორისო ბიზნესისთვის

ამერიკული გამოცემა Newsweek-ი „Trump Tower Tbilisi“-ს შესახებ სტატიას აქვეყნებს. სტატაში , „The Tbilisi Downtown”-ის პირველ ესკიზი პროექტის დეტალებია მოყვანილი.

„Trump Tower Tbilisi“-ის პროექტის პირველი ესკიზი, რომელიც საქართველოს დედაქალაქში აშენდება... ასევე ახალი დეტალები გაცილებით მასშტაბური პროექტის, „The Tbilisi Downtown”-ის შესახებ, რომლის ღირებულებაც 2 მილიარდ დოლარს შეადგენს... პროექტის ესკიზში ჩანს ცათამბჯენი, რომლის თავზეც ოქროს ასოებით არის ტრამპის სახელი გამოსახული. „თბილისი დაუნთაუნის“ კომპლექსი 6 ნაგებობისგან შედგება, რომლის ცენტრალური შენობა „ტრამპ თაუერ თბილისი“ იქნება.

600 000 კვადრატულ მეტრზე განთავსებულ კომპლექსში პანორამული ხედებით ცენტრალ პარკზე, განთავსებული იქნება ბიზნესცენტრები, ლუქსკლასის მაღაზიები, ლუქსტიპის სასტუმრო, რესტორნები და გასართობი დაწესებულებები. პროექტის ჯამური ღირებულება 2 მილიარდ დოლარს შეადგენს. დეველოპერული გუნდის თქმით, პროექტი მიზნად ისახავს, საქართველოს დედაქალაქი წარმოაჩინოს, როგორც მნიშვნელოვანი ბიზნესცენტრი და კარიბჭე საერთაშორისო ბიზნესისთვის აღმოსავლეთ ევროპასა და აზიაში“, - წერს Newsweek-ი.