ნინო წილოსანი იუკნევიჩიანეს მიერ მომზადებულ რეზოლუციაზე: „ნაცმოძრაობის“ წისქვილზე ასხამს წყალს და მტრობს ქართველ ხალხს. ამ რეზოლუციაში ვხედავთ საქართველოში სიტყვის თავისუფლების ჩახშობის მცდელობას
საქართველოს პარლამენტის ვიცე სპიკერი ნინო წილოსანი რასა იუკნევიჩიანეს მიერ მომზადებულ მორიგ რეზოლუციას აფასებს. მისი თქმით, ეს დოკუმენტი „ნაციონალური მოძრაობის“ წისქვილზე ასხამს წყალს და ქართველ ხალხს მტრობს.
„ქალბატონი რასას მხრიდან კიდევ ერთი რეზოლუცია არის ინიცირებული, სადაც მორიგი დეზინფორმაციაა გავრცელებული და რომელიც კიდევ ერთხელ ასხამს ნაცმოძრაობის წისქვილზე წყალს, მტრობს ქართველ ხალხს. ამ რეზოლუციაში და ზოგადად ამ ახლადაგორებულ ტალღაში ჩვენ ვხედავთ საქართველოში სიტყვის თავისუფლების ჩახშობის მცდელობას. ის არ აკმაყოფილებთ, რომ საკმაოდ დიდია ევროპის ქვეყნებში ცენზურა და ახლა უკვე საქართველოშიც სურთ, რომ 3 ტელევიზია დაასანქცირონ და ამით თავიანთი ცენზურის პოლიტიკა კიდევ უფრო გაამძაფრონ“, - აცხადებს წილოსანი.
ევროპარლამენტის საგარეო საქმეთა კომიტეტში დღეს რასა იუკნევიჩიანეს მიერ მომზადებულ დოკუმენტს კენჭს უყრიან.
იმედი
წყარო: imedinews.ge