ნინო წილოსანი: როდესაც საქართველოში ევროპულზე მაღალი სტანდარტით ხდებოდა დემონსტრანტების მიმართ სამართალდამცავების რეაგირება, ჩვენ ვიყავით განსაკუთრებული კრიტიკის ქვეშ, მოვხვდით არაერთ რეზოლუციაში და ვიყავით დიდი შეტევების ობიექტი

ყველა ქვეყანას აქვს თავისი სტანდარტი და სუვერენული უფლება, რომ მართოს პროცესები ისე, როგორც მის წესებშია, თუმცა მიუღებელია, როდესაც ვხედავთ დანიის შემთხვევაში რამდენად უდაბლესი სტანდარტით იყო აქციის მონაწილეების მიმართ მართვა გამოყენებული და როგორი ძალადობრივი რეაგირება ჰქონდა ძალოვან უწყებებს, - განაცხადა პარლამენტის ვიცე-სპიკერმა ნინო წილოსანმა დანიის დედაქალაქ კოპენჰაგენში პოლიციის მიერ აქციის ძალადობრივი მეთოდებით დაშლაზე საუბრისას.

მისივე თქმით, იმ ფონზე, როდესაც საქართველოში ევროპულზე მაღალი სტანდარტით ხდებოდა დემონსტრანტების მიმართ სამართალდამცავების რეაგირება, საქართველო იყო განსაკუთრებული კრიტიკის ქვეშ.

„იმ ფონზე, როდესაც საქართველოში ევროპულზე მაღალი სტანდარტით ხდებოდა დემონსტრანტების მიმართ სამართალდამცავების რეაგირება, ჩვენ ვიყავით განსაკუთრებული კრიტიკის ქვეშ, მოვხვდით არაერთ რეზოლუციაში და ვიყავით დიდი შეტევების ობიექტი. ეს არის სტანდარტი, რომელიც სამწუხაროდ ჩვენმა დასავლელმა პარტნიორებმა და იმ ბიუროკრატებმა დაამკვიდრეს, რომლებიც სწორედ იმ პოლიტიკას ქმნიან, სადაც მათ შეუძლიათ, რომ პროტესტანტები ისე ბრუტალურად დაარბიონ, როგორც მათ დაარბიეს“, - აღნიშნა ნინო წილოსანმა.

კოპენჰაგენში, პალესტინის მომხრე აქტივისტებმა, დანიური გადამზიდი გიგანტის - „მაერსკის“ სათავო ოფისთან ბლოკადა მოაწყვეს რომელიც პოლიციამ ძალის გამოყენებით დაშალა. აქციის დროს 20 ადამიანი დააკავეს.