ნინო წილოსანი: რა თქმა უნდა მაქვს სურვილი, რომ ყველა ჩვენს სტრატეგიულ პარტნიორთან განვაახლოთ ურთიერთობები, თუმცა ეს არ არის ის იდეაფიქსი, რომელიც ყველაფრის ფასად შეიძლება იყოს მიღწეული

რა თქმა უნდა მაქვს სურვილი, რომ ყველა ჩვენს სტრატეგიულ პარტნიორთან, მეგობარ ქვეყანასთან განვაახლოთ ურთიერთობები, თუმცა ეს არ არის ის იდეაფიქსი, რომელიც ყველაფრის ფასად შეიძლება იყოს მიღწეული, - განაცხადა გადაცემაში "იმედი Live" პარლამენტის თავმჯდომარის მოადგილე ნინო წილოსანმა.

მისივე თქმით, საქართველოს ურთიერთობების განახლებისთვის კონკრეტული პირობები აქვს, რომლის იქითაც წითელი ხაზებია.

“ჩვენი ქვეყნის მნიშვნელობა, როგორც გეოპოლიტიკურ რუკაზე, ასევე ჩვენი ქვეყნის სიძლიერე, გვაძლევს იმის თქმის საშუალებას, რომ მეორე მხრიდანაც არსებობს ბუნებრივი ინტერესი, რომ საქართველოსთან დარეგულირდეს ურთიერთობები. ჩვენ გვაქვს ბევრი უპირატესობა და რაც მთავარია გვაქვს სურვილი პარტნიორებთან განვაახლოთ ურთიერთობები, თუმცა ჩვენი ოპონენტების მსგავსად, ამას მონური მორჩილებით არ შევხედავდი. რა თქმა უნდა მაქვს სურვილი, რომ ყველა ჩვენს სტრატეგიულ პარტნიორთან, მეგობარ ქვეყანასთან განვაახლოთ ურთიერთობები, თუმცა ეს არ არის ის იდეაფიქსი, რომელიც ყველაფრის ფასად შეიძლება იყოს მიღწეული. ჩვენ არაერთხელ გვითქვამს, რომ ჩვენ გვაქვს კონკრეტული პირობები, რომლის იქით უკვე წითელი ხაზია. ეს არის ეროვნული ღირებულებები, სუვერენიტეტი და ხალხის დაკვეთა, რომ ამ ქვეყანამ შეინარჩუნოს საკუთარი თვითმყოფადობა. ჩვენ არ გვაქვს უფლება, რომ მბრწყინავ დაპირებებს შევწიროთ ამ ქვეყნის მრავალსაუკუნოვანი ისტორია”, - განაცხადა ნინო წილოსანმა.