ნინო წილოსანი: საზოგადოება ხედავს, რამდენი გამოწვევა აქვს ევროკავშირს, როგორც ინსტიტუციას და წევრი სახელმწიფოები როგორ აპროტესტებენ იმ პოლიტიკას, რომელსაც კაია კალასი და მისი მსგავსი ლიდერები უჭერენ მხარს

საზოგადოება ხედავს, რამდენი გამოწვევა აქვს ევროკავშირს, როგორც ინსტიტუციას და წევრი სახელმწიფოები როგორ აპროტესტებენ იმ პოლიტიკას, რომელსაც კაია კალასი და მისი მსგავსი ლიდერები უჭერენ მხარს, - განაცხადა პარლამენტის ვიცე-სპიკერმა, ნინო წილოსანმა.

მისი თქმით, როდესაც ასეთი პოლიტიკის მწარმოებელი ევროპოლიტიკოსი გაკრიტიკებს და პოლიტიკას გიწუნებს, ალბათ მარტივია, არჩევანი გააკეთო, სად დგას სიმართლე.

„ჩვენს შეფასებებს რომ არ დავეყრდნოთ, ალბათ საზოგადოება მსჯელობს, თუ საით მიჰყავთ კაია კალასსა და მის მსგავს ლიდერებს ევროკავშირი, როგორ დასუსტდა ევროკავშირი როგორც ეკონომიკურად, ასევე გეოპოლიტიკური პოზიციონირებით. საზოგადოება ხედავს, რამდენი გამოწვევა აქვს ევროკავშირს, როგორც ინსტიტუციას და წევრი სახელმწიფოები როგორ აპროტესტებენ იმ პოლიტიკას, რომელსაც კაია კალასი და მისი მსგავსი ლიდერები უჭერენ მხარს. ამიტომ, როდესაც ასეთი პოლიტიკის მწარმოებელი ევროპოლიტიკოსი გაკრიტიკებს და პოლიტიკას გიწუნებს, ალბათ მარტივია, არჩევანი გააკეთო, სად დგას სიმართლე.

ჩვენი პოლიტიკური ნაბიჯები ქართველი ხალხის ინტერესსა და მოთხოვნებთან არის სრულ თანხვედრაში“, - აღნიშნა წილოსანმა.

კაია კალასი ისევ საქართველოს უტევს. ამბობს, რომ ევროკავშირში გაწევრების სურვილის მიუხედავად, ხელისუფლება არასწორი მიმართულებით დგამს ნაბიჯს.