ოდესას წრიული თავდაცვისთვის ამზადებენ

უკრაინის შეიარაღებული ძალების ინფორმაციით, ქალაქ ოდესას წრიული თავდაცვისთვის ამზადებენ.

როგორც შეიარაღებული ძალების ტერიტორიული თავდაცვის ძალების მიერ გავრცელებულ მასალაშია აღნიშნული, ოდესის გარშემო საფორტიფიკაციო ნაგებობები ეწყობა და ტანკსაწინააღმდეგო თხრილები კეთდება.

გარდა ამისა, ქალაქის გარშემო მონტაჟდება მავთულხლართები, ტანკსაწინააღმდეგო ზღურბლები.

„ასეთი ზომები საჩვენებლად არ მიიღება, ეს არის მუშაობა დასწრებაზე, რათა მტერს არ შეექმნას არავითარი ილუზია: დესანტის ნებისმიერი მცდელობა განწირულია წარუმატებლობისთვის“, - აღნიშნულია განცხადებაში.

როგორც ტერიტორიული თავდაცვის ძალებში აღნიშნეს, ასეთი ღონისძიებები არათუ ზრდის, არამედ ამცირებს რისკებს იმისა, რომ ახლო მომავალში რუსებს რეგიონზე თავდასხმა მოუნდეთ.