ოფიციალური თეირანი უარყოფს ლიბანის პრეზიდენტის განცხადებას იმის შესახებ, რომ, თითქოს, ლიბანი ირანისთვის გასაცვლელი მონეტაა

ირანის საგარეო საქმეთა მინისტრი აბას არაღჩი უარყოფს ლიბანის პრეზიდენტის ჟოზეფ აუნის განცხადებას იმის შესახებ, რომ ლიბანი, თითქოს, ირანისთვის გასაცვლელ მონეტას წარმოადგენს.

„ბატონი აუნის კომენტარებით რომ ვიმსჯელოთ, შეიძლება ვიფიქროთ, რომ ირანმა მოახდინა ლიბანის ტერიტორიის მეხუთედის ოკუპაცია, ლიბანელების მეოთხედი განდევნა და ყოველ დღე ქვეყანას ბომბავს. ლიბანი ირანისთვის გასაცვლელი მონეტა რომ ყოფილიყო, ჩვენ დიდი ხნის წინ დავდებდით გარიგებას. გადაარჩინეთ ლიბანი თქვენი ნამდვილი მტრისგან, ბატონო პრეზიდენტო“, - დაწერა არაღჩიმ სოციალურ ქსელ X-ში.

ცნობისთვის, გუშინ ლიბანის პრეზიდენტმა განაცხადა, რომ ირანი ლიბანს ამერიკის შეერთებულ შტატებთან მოლაპარაკებებში გასაცვლელ მონეტად იყენებს.

Based on Mr. Aoun's comments, one would think it's Iran that has occupied 1/5 of Lebanon, displaced 1/4 of Lebanese and bombing his country on daily basis. Had Lebanon been bargaining chip for Iran, we'd have a deal long ago. Save Lebanon from your real foe, Mr. President. https://t.co/24OJ9uiIXU — Seyed Abbas Araghchi (@araghchi) June 6, 2026