ოზურგეთის სპორტულ კლუბ „ზვანელებს“ საჭირო სპორტული ინვენტარი გადაეცა

ოზურგეთის სპორტულ კლუბ „ზვანელებს“ საჭირო სპორტული ინვენტარი გადაეცა. „ქართული ოცნების“ ახალგაზრდული ორგანიზაციის ლიდერებისა და გურიის ახალგაზრდების შეხვედრაზე დასახელებული პრობლემა ერთობლივი მუშაობითა და სპორტის სამინისტროს მხარდაჭერით აღმოიფხვრა.

ეკიპირება სპორტსმენებს ახალგაზრდული ორგანიზაციის ლიდერმა ვარლამ ლიპარტელიანმა, მმართველთა საბჭოს წევრმა დავით ბოდაველმა და სპორტის მინისტრის მოადგილემ ირაკლი დოლაბერიძემ გადასცეს.

„ვიცით, რომ სპორტი, ჯანსაღი ცხოვრება ჩვენი გუნდის პრიორიტეტია. ჩვენ გავაგრძელებთ ზრუნვას ბავშვების საჭიროებებზე, რომ მაქსიმალურად გვერდში დავუდგეთ მათ“, - განაცხადა „ქართული ოცნების“ ახალგაზრდული ორგანიზაციის თავმჯდომარე ვარლამ ლიპარტელიანმა.

„ძალიან ბევრი ნიჭიერი ახალგაზრდა ცხოვრობს ჩვენ რეგიონებში და ჩვენი ვალია, რომ ხელი შევუწყოთ იმისთვის, რომ მაქსიმალურ წარმატებას მიაღწიონ და ასახელონ ჩვენი სამშობლო“, - აღნიშნა პარლამენტის სპორტის კომიტეტის წევრმა, გენო პეტრიაშვილმა.