ფასების შემსწავლელი პარლამენტის დროებითი კომისია დღეს ნავთობკომპანიების წარმომადგენლებს შეხვდება
სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი საქართველოს პარლამენტის დროებითი საგამოძიებო კომისია დღეს ნავთობკომპანიების წარმომადგენლებს შეხვდება და კომპანიების მონაწილეობით საწვავის ბაზრის სტრუქტურის, ფასწარმოქმნის ჯაჭვის და სექტორის საოპერაციო პროცესებს განხილავს.
კომისიის თავმჯდომარის განცხადებით სხვადასხვა კომპანიების წარმომადგენლებთან შეხვედრები აღნიშნული შეხვედრით დასრულდება.
„5 წამყვანი კომპანია იქნება წარმოდგენილი. მათთან ერთად გავივლით სექტორში მიმდინარე პროცესებს, როგორია ფასწარმოქმნის ჯაჭვი. ჩვენთვის მნიშვნელოვანია, გავერკვეთ, როგორია მდგომარეობა დღეს ბაზარზე, გამომდინარე საერთაშორისო ვითარებიდან საწვავ პროდუქტებზე და ზოგადად საერთაშორისო ენერგიის ბაზრებზე და რა გავლენა აქვს ამას საქართველოზე. ველოდებით, რომ ძალიან საქმიანი შეხვედრა გვექნება”, - განაცხადა პარლამენტის ეკონომიკური პოლიტიკის კომიტეტის თავმჯდომარემ შოთა ბერეკაშვილმა.
იმედი
წყარო: imedinews.ge
