პატა მანჯგალაძე მოსამართლეს: აბსურდია იმის მტკიცება, რომ უკვე ორგანიზებულ აქციას ხელახლა ვაორგანიზებდი
აბსურდია იმის მტკიცება, რომ უკვე ორგანიზებულ აქციას ხელახლა ვაორგანიზებდი, - ასე მიმართა მოსამართლეს სასამართლო სხდომაზე ოპოზიციონერმა პოლიტიკოსმა პაატა მანჯგალაძემ.
„რა გასაკვირია, ვიმყოფებოდი 2025 წლის 4 ოქტომბრის აქციაზე ჩემს ხალხთან ერთად. ნუთუ შესაძლებელია, ჩემი ამ უფლებით სარგებლობა გახდეს ჩემთვის მსჯავრის დადების საფუძველი? აბსურდია იმის მტკიცება, რომ უკვე ორგანიზებულ აქციას ხელახლა ვაორგანიზებდი“, - აღნიშნა მანჯგალაძემ.
საქალაქო სასამართლოში ოთხი ოქტომბრის საქმეზე ბრალდებულების - პაატა ბურჭულაძის, მურთაზ ზოდელავას, ირაკლი ნადირაძის, პაატა მანჯგალაძის, ლაშა ბერიძის, ირაკლი შაიშმელაშვილისა და კიდევ ოთხი ადამიანის სასამართლო პროცესი მიმდინარეობს. ბრალდებულები დღევანდელ პროცესზე საბოლოო სიტყვის უფლებით სარგებლობენ. შესაძლოა მოსამართლემ განაჩენი დღესვე გამოაცხადოს.
იმედი
წყარო: imedinews.ge