პეტერ ფიშერის განცხადებას, რომ „დიფ სთეითი საქართველოს ხელისუფლების მიერ გამოგონილი კონსპირაციაა, „ქართული ოცნება“ იმ ქვეყნების დაცინვად აფასებს, რომლებიც „დიფ სთეითზე“ დიდი ხანია, საუბრობენ

„ქართული ოცნება“ გერმანიის ელჩს „დიფ სთეითის“ საკითხით მანიპულირებაში ამხელს - მმართველ ძალაში მიიჩნევენ, რომ პეტერ ფიშერი თავისი ცინიზმით შეერთებულ შტატებსა და იმ ქვეყნების ლიდერებს დასცინის, რომლებიც ამ თემაზე დიდი ხანია, ლაპარაკობენ. გერმანელმა დიპლომატმა განაცხადა, რომ თითქოს დიფ სთეითი" საქართველოს ხელისუფლების მიერ გამოგონილი კონსპირაციაა

„სამწუხარო რეალობაა, თუმცა, ეს არის ფაქტი, რომ როგორც ჩანს, ბატონ ფიშერს არ უნდა წასვლამდე აღიაროს ის, რაც მსოფლიო ლიდერებმა არაერთხელ თქვეს, მათ შორის ამერიკის შეერთებული შტატების მოქმედმა ადმინისტრაციამ, მისმა პრეზიდენტმა და ფაქტია, რომ ამას დღეს არც არავინ უარყოფს. როგორც ჩანს, ბატონი ფიშერი არის მხოლოდ ის ადამიანი, ვინც ამას უარყოფს“, - განაცხადა ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარის პირველმა მოადგილემ ალუდა ღუდუშაურმა.