ფიცომ განაცხადა, რომ ზელენსკისთან რადიკალურად განსხვავებული შეხედულებები აქვს ისეთ საკითხებზე, როგორიცაა ომი, ნავთობი, კრედიტები და იარაღი

სლოვაკეთის პრემიერ-მინისტრმა, რობერტ ფიცომ განაცხადა, რომ მას უკრაინის პრეზიდენტთან, ვოლოდიმირ ზელენსკისთან რადიკალურად განსხვავებული შეხედულებები აქვს ისეთ საკითხებზე, როგორიცაა ომი, ნავთობი, კრედიტები და იარაღი.

„მე ვფიქრობ, რომ ზელენსკი საკმაოდ მოქნილი იყო. ჩვენ შევეცდებით მოლაპარაკებები ბრატისლავაში დავაორგანიზოთ. მე არ მაქვს საფუძველი, იაფი ჟესტები ვაკეთო“, - ხაზგასმით აღნიშნა ფიცომ ერევანში, ევროპული პოლიტიკური გაერთიანების სამიტზე.

მისი თქმით, ერთობლივი სამთავრობო მოლაპარაკებები ბრატისლავაში ან კიევში გაიმართება.

„ზელენსკისთან უფრო მეტი რომ მესაუბრა, გავარკვევდით, რომ ჩვენ რადიკალურად განსხვავებული შეხედულებები გვაქვს. მე განსხვავებული აზრი მაქვს ომზე, ნავთობზე და იმაზე, უნდა მიეცეთ თუ არა მათ კრედიტები. სიმართლედ რჩება ის, რომ სლოვაკეთი არანაირ სამხედრო სესხს არ დაუჭერს მხარს და არ მიაწვდის იარაღს უფასოდ. თუ ვინმეს იარაღი სურს, მას შეუძლია იყიდოს იგი“, - დასძინა მან.