POLITICO: პუტჩმა, რომელიც ბრიტანეთის პრემიერ-მინისტრის, კირ სტარმერის თანამდებობიდან გადაყენების მიზნით მიმდინარეობს, კონკრეტული სახე მიიღო
დიდი ბრიტანეთის პრემიერ-მინისტრი, კირ სტარმერი დიდი ზეწოლის ქვეშაა. მას ლიდერობას მისი თანაგუნდელები ეცილებიან, სტატიას ამ შინაარსით POLITICO ავრცელებს.
როგორც გამოცემა იუწყება, პუტჩმა, რომელიც მემარცხენე ცენტრისტული პრემიერ-მინისტრის გადაყენებას ისახავს მიზნად, უკვე გარკვეული სახე მიიღო.
გასულ ხუთშაბათს ადგილობრივი თვითმმართველობის არჩევნებზე სერიოზული მარცხის შემდეგ „ლეიბორისტული“ პარტიის 402 დეპუტატიდან 96-მა სტარმერს გადადგომის თარიღის დასახელება მოსთხოვა. ბრიტანეთის პრემიერი კატეგორიულ უარზეა.
როგორც გამოცემა იუწყება, ბრიტანეთის პრემიერი ერთი კვირის განმავლობაში მანევრირებასა და ყურადღების გადატანას ცდილობდა, თუმცა მისი თანაპარტიელები ფიქრობენ, რომ მისი გადაყენების გზები სულ უფრო ნათელი და აშკარა ხდება.
POLITICO-ს ცნობით, პრემიერ-მინისტრს თანამდებობის შენარჩუნება მინიმუმ ერთი, ან ორი თვის განმავლობაში შეეძლება.
„ლეიბორისტული“ პარტიის ლიდერის თანამდებობაზე სტარმერს კონკურენციას ორი ადამიანი უწევს - ქალაქ მანჩესტერის მერი, ენდი ბერნჰემი და ჯანდაცვის ყოფილი მინისტრი უეს სთრითინგი.
იმედი
წყარო: imedinews.ge