POLITICO: რუტე ნატოს მოკავშირეებს ამერიკული იარაღის ყიდვას სთავაზობს, რათა აშშ-მა მათ ზურგი არ შეაქციოს

ნატოს გენერალურმა მდივანმა მარკ რუტემ ახალი გეგმა შეიმუშავა, რომლითაც აშშ-ის პრეზიდენტი დონალდ ტრამპი ნატოს ზურგს არ შეაქცევს. ინფორმაციას POLITICO ავრცელებს.

გეგმის არსი მდგომარეობს იმაში, რომ ნატოს წევრმა ქვეყნებმა აშშ-თან იარაღის შესყიდვასთან დაკავშირებით რაც შეიძლება ბევრი გარიგება დადონ, რითაც ამერიკა იხეირებს.

სამხედრო მრეწველობა იქნება პრიორიტეტული საკითხი ნატოს საგარეო საქმეთა მინისტრების შეხვედრის დროს, რომელიც დღეს შვედეთის ქალაქ ჰელსინბორგში გაიმართება, წერს გამოცემა.

POLITICO-ს ცნობით, ნატოს გენმდივანმა უკანასკნელ კვირებში სამხედრო მრეწველობის წარმადობის გაზრდის კამპანია წამოიწყო, რათა ანკარაში ივლისში გასამართი ნატოს სამიტის წარმატება უზრუნველყოს.

„რუტეს გეგმა აშშ-თვის კარგი ამბავია“, - განუცხადა გამოცემას ერთ-ერთმა ევროპელმა დიპლომატმა.

თუმცა, სამხედრო გარიგებებში ალიანსის ჩართვის ნებისმიერი მცდელობები ევროკავშირში კონფლიქტს გამოიწვევს, რადგან ბრიუსელმა მილიარდობით დოლარის კრედიტების გამოყოფა და იურიდიული წინადადებების შემუშავება დაიწყო, რათა ევროპული სამხედრო მრეწველობა ააღორძინოს, აღნიშნულია სტატიაში.