POLITICO: საფრანგეთის ყოფილი პრემიერ-მინისტრი გაბრიელ ატალი საპრეზიდენტო კამპანიაში ერთვება

საფრანგეთის ყოფილმა პრემიერ-მინისტრმა გაბრიელ ატალმა განაცხადა, რომ ის 2027 წლის საპრეზიდენტო არჩევნებში მონაწილეობას მიიღებს. ინფორმაციას POLITICO ავრცელებს.

„ვინაიდან ძალიან მიყვარს საფრანგეთი და ფრანგი ხალხი, დიახ, გადავწყვიტე პრეზიდენტად ვიყარო კენჭი“, - განაცხადა 37 წლის ატალმა, რომელიც საფრანგეთის მოქმედი პრეზიდენტის ემანუელ მაკრონის „აღორძინების“ პარტიის ერთ-ერთი ლიდერია.

დღეის მდგომარეობით, უკვე ცნობილია, რომ ატალს საპრეზიდენტო არჩევნებში კონკურენციას კიდევ ერთი ყოფილი პრემიერი ედუარდ ფილიპი, „კონსერვატორების“ ლიდერი ბრუნო რეტაიო და სავარაუდოდ ყოფილი პრეზიდენტი ფრანსუა ოლანდი გაუწევენ.

ბოლო გამოკითხვები აჩვენებს, რომ ფილიპს უფრო მეტი შანსი აქვს დაამარცხოს ნებისმიერი კანდიდატი ულტრამემარჯვენე პარტიიდან „ეროვნული გაერთიანება“, რომლის ლიდერი მარინ ლე პენია. როგორც POLITICO წერს, „ეროვნული გაერთიანება“ ახლა გამოკითხვებში ლიდერობს.

უცნობია, შეძლებს თუ არა მარინ ლე პენი არჩევნებში მონაწილეობის მიღებას. ეს სასამართლოს 7 ივლისის გადაწყვეტილებაზე იქნება დამოკიდებული. თუ სასამართლო ლე პენს არჩევნებში მონაწილეობას აუკრძალავს, მაშინ მის ნაცვლად ქვეყნის პრეზიდენტის პოსტზე კენჭს ევროპარლამენტარი ჟორდან ბარდელა იყრის.