POLITICO: ტრამპს კვლავ მიაჩნია, რომ ირანთან სამშვიდობო შეთანხმების მიღწევა ახლოსაა, მიუხედავად იმისა, რომ აშშ-მა ირანზე საპასუხო დარტყმები განახორციელა

აშშ-ის პრეზიდენტს, დონალდ ტრამპს კვლავ მიაჩნია, რომ ირანთან სამშვიდობო შეთანხმების მიღწევა ახლოსაა, მიუხედავად იმისა, რომ სამშაბათს საღამოს შეერთებულმა შტატებმა ირანზე საპასუხო დარტყმები განახორციელა - განაცხადა თეთრი სახლის მაღალჩინოსანმა.

„შეთანხმების ამჟამინდელ სტატუსთან დაკავშირებით არაფერი იცვლება“, - განაცხადა ოფიციალურმა პირმა, რომელმაც ვინაობის გამჟღავნება ეროვნული უსაფრთხოების სენსიტიური საკითხების განხილვის გამო არ ისურვა.

მან ხაზგასმით აღნიშნა, რომ თეირანთან შეთანხმება „ჯერ კიდევ ახლოსაა“.