POLITICO: ვაშინგტონმა მოკავშირეებს აცნობა, რომ ნატოსთვის განკუთვნილი სტრატეგიული ბომბდამშენების, გამანადგურებლების, დრონების, წყალქვეშა ნავებისა და სამხედრო ხომალდების რაოდენობას ეტაპობრივად შეამცირებს
ვაშინგტონმა მოკავშირეებს აცნობა, რომ ნატოსთვის განკუთვნილი სტრატეგიული ბომბდამშენების, გამანადგურებლების, დრონების, წყალქვეშა ნავებისა და სამხედრო ხომალდების რაოდენობას ეტაპობრივად შეამცირებს. ინფორმაციას ამის შესახებ გამოცემა POLITICO ავრცელებს.
ინფორმირებული წყაროების განცხადებით, ამის შესახებ პარასკევს, ნატოს პოლიტიკის დირექტორების დახურულ შეხვედრაზე, პენტაგონის მრჩეველმა ალექსანდრ ველეს-გრინმა განაცხადა.
„ეს შემცირება ასახავს აშშ-ის პრეზიდენტის, დონალდ ტრამპის დიდი ხნის ძალისხმევას, შეკვეცოს ამერიკის როლი იმ ალიანსში, რომელსაც იგი არაერთხელ აკრიტიკებდა, როგორც ვაშინგტონისთვის უსარგებლოს. ეს ასევე ხაზს უსვამს ადმინისტრაციის სამხედრო ფოკუსირებას სხვა რეგიონებზე, როგორიც არის ინდო-წყნარი ოკეანის რეგიონი“, - წერს გამოცემა POLITICO.
დიპლომატების თქმით, შემცირებების ზუსტი ხასიათი ჯერ საბოლოოდ დადგენილი არ არის და აშშ-ს რაიმე კონკრეტული ვადები არ დაუწესებია. მათ ასევე დასძინეს, რომ ვაშინგტონმა მოკავშირეები დაამშვიდა და პირობა მისცა, რომ მისი ბირთვული შეკავების პოლიტიკაში ცვლილებები არ შევა.
იმედი
წყარო: imedinews.ge