პოლონეთი უკრაინისთვის Mig-29 ტიპის თვითმფრინავების გადაცემაზე უარს აცხადებს
პოლონეთის თავდაცვის მინისტრმა ვლადისლავ კოსინიაკ-კამიშმა პოლონურ მედიასთან ინტერვიუს დროს განაცხადა, რომ ვარშავა კიევს Mig-29 ტიპის გამანადგურებელ თვითმფრინავებს აღარ გადასცემს.
როგორც კოსინიაკ-კამიშმა აღნიშნა, პოლონეთის პოზიციის ცვლილება განპირობებულია იმით, რომ კიევმა პირობა არ შეასრულა და ვარშავას დრონები არ გადასცა.
„მე შევთავაზე, ვფიქრობ, საკმაოდ პარტნიორული მიდგომა - MiG-ები დრონების სანაცვლოდ. უკრაინელებმა თავიდან ეს მიიღეს, თუმცა შემდეგ არ შეასრულეს, ამიტომ უკრაინისთვის MiG-ები არ იქნება, რადგან პოლონეთისთვის არ არის დრონები ან დრონებთან დაკავშირებული შესაძლებლობები“, - განმარტა მინისტრმა.
კოსინიაკ-კამიშმა აგრეთვე აღნიშნა, რომ უკრაინის შესაძლებლობები უპილოტო სისტემების სფეროში ძალიან განვითარებულია და ბოლო პერიოდში ქვეყანამ ამ მიმართულებით ახლო აღმოსავლეთის პარტნიორებთანაც დაიწყო თანამშრომლობა.
იმედი
წყარო: imedinews.ge