პოლონეთის თავდაცვის მინისტრმა ზელენსკის ოფისის ხელმძღვანელთან უკრაინის ერთ-ერთი ქვედანაყოფისთვის „უკრაინის მეამბოხე არმიის“ სახელის მინიჭების საკითხი განიხილა - არსებობს საზღვრები, რომელთა გადაკვეთა არ შეიძლება

პოლონეთის თავდაცვის მინისტრმა ვლადისლავ კოსინიაკ-კამიშმა სოციალურ ქსელ X-ში დაწერა, რომ დღეს ვარშავაში ის უკრაინის პრეზიდენტის ვოლოდიმირ ზელენსკის ოფისი ხელმძღვანელს კირილ ბუდანოვს შეხვდა.

როგორც კოსინიაკ-კამიშმა აღნიშნა, შეხვედრის მთავარი თემა ზელენსკის მიერ ერთ-ერთი უკრაინული ქვედანაყოფისთვის „უკრაინის მეამბოხე არმიის გმირების“ სახელის მინიჭება იყო.

„პოლონეთი და უკრაინა უსაფრთხოების საკითხებში პარტნიორები არიან. მაგრამ ისტორიის საკითხებთან დაკავშირებით ერთმანეთს სიმართლე უნდა ვუთხრათ, რადგან მხოლოდ მასე შევძლებთ მომავლის აშენებას. დღეს უკრაინის პრეზიდენტის ოფისის ხელმძღვანელთან, გენერალ კირილ ბუდანოვთან შეხვედრაზე ნათლად გადავეცი პოლონეთის მოლოდინები ერთ-ერთი შენაერთისთვის „უკრაინის მეამბოხე არმიის“ სახელის დარქმევასთან დაკავშირებით. ვოლინის ტრაგედიის ხსოვნა არ განიხილება. არსებობს საზღვრები, რომელთა გადაკვეთა არ შეიძლება“, - დაწერა კოსინიაკ-კამიშმა.

ცნობისთვის, რამდენიმე დღის წინ უკრაინის პრეზიდენტმა ვოლოდიმირ ზელენსკიმ უკრაინის შეიარაღებული ძალების ერთ-ერთ ქვედანაყოფს „უკრაინის მეამბოხე არმიის გმირების“ სახელი მიანიჭა. პოლონური მხარე მიიჩნევს, რომ „უკრაინის მეამბოხე არმია“ ვოლინის ტრაგედიასთან არის დაკავშირებული.

Polska i Ukraina w sprawach bezpieczeństwa są partnerami. Ale w sprawach historii musimy mówić sobie prawdę, bo tylko tak jesteśmy w stanie budować przyszłość. Dziś podczas spotkania z gen. @Kyrylo_Budanov szefem kancelarii prezydenta @ZelenskyyUa jasno przedstawiłem polskie… pic.twitter.com/dPBnOVJGqj — Władysław Kosiniak-Kamysz (@KosiniakKamysz) June 6, 2026