პრემიერი: ლოგიკურია, რომ ის ევროპარლამენტარი, რომელიც უპირისპირდება საქართველოში მედიის თავისუფლებას, იმავდროულად ითხოვს სააკაშვილის გათავისუფლებასაც, სააკაშვილი თუ რამით იყო გამორჩეული, ერთ-ერთი იყო მედიის მიმართ უდიერი დამოკიდებულება

ლოგიკურია, რომ ის ევროპარლამენტარი, რომელიც უპირისპირდება საქართველოში მედიის თავისუფლებას, იმავდროულად ითხოვს მიხეილ სააკაშვილის გათავისუფლებასაც, - განაცხადა პრემიერ-მინისტრმა ირაკლი კობახიძემ ჟურნალისტის კითხვის პასუხად, რომელიც პოლონელი ევროპარლამენტის განცხადებას შეეხებოდა.

მთავრობის მეთაურის თქმით, ამ ორ მიდგომას შორის ლოგიკური კავშირია, ვინაიდან სააკაშვილი გამორჩეული იყო მედიის თავისუფლების მიმართ უდიერი დამოკიდებულებით.

„ამ ორ მიდგომას შორის არის ძალიან მჭიდრო, ლოგიკური კავშირი. თვითონ სააკაშვილიც თუ რაიმეთი იყო გამორეული, ერთ-ერთი იყო მედიის თავისუფლების მიმართ უდიერი დამოკიდებულება, ფეხქვეშ გათელვა მედიის თავისუფლების.

აქედან გამომდინარე ლოგიკურია, რომ ის ევროპარლამენტარი, რომელიც უპირისპირდება საქართველოში მედიის თავისუფლებას, იმავდროულად ითხოვს მიხეილ სააკაშვილის გათავისუფლებასაც. ეს არის აბსოლუტურად ლოგიკური ჯაჭვი. საზოგადოება, რა თქმა უნდა, აქედან გამოიტანს თავის დასკვნებს“, - აღნიშნა პრემიერმა.