პრემიერი შოვის ტრაგედიაზე: მთელი სახელმწიფო აპარატი იყო მობილიზებული იმისათვის, რომ წარმატებით განხორციელებულიყო სამძებრო სამუშაოები და პარალელურ რეჟიმში გვესმოდა სხვადასხვა ტიპის სპეკულაციები. არის უბრალოდ საკითხები, რასთან დაკავშირებითაც არ შეიძლება პოლიტიკური სპეკულაციები. ეს არის მაგალითი, რომელზეც ვიღაცებმა რაღაცები უნდა ისწავლონ
იყო ტყუილების მთელი კასკადი, რომელიც გავრცელდა, სრული აბსურდი, რასაც ამბობდნენ მაშინ ჩვენი პოლიტიკური ოპონენტები. არის უბრალოდ საკითხები, რომელთან დაკავშირებითაც არ შეიძლება პოლიტიკური სპეკულაციების განვრცობა, თუმცა აქაც კი სხვანაირად წარმართეს ჩვენმა ოპონენტებმა ეს ყველაფერი, რაც ძალიან სამწუხაროა, ძალიან დასანანია, - განაცხადა საქართველოს პრემიერ-მინისტრმა ირაკლი კობახიძემ ჟურნალისტებთან.
როგორც მთავრობის მეთაურმა აღნიშნა, მთელი სახელმწიფო აპარატი იყო მობილიზებული იმისათვის, რათა წარმატებით ჩატარებულიყო სამძებრო სამუშაოები.
„მაშინ მთელი სახელმწიფო აპარატი იყო მობილიზებული იმისათვის, რომ წარმატებით განხორციელებულიყო სამძებრო სამუშაოები, სამაშველო სამსახური იყო თავიდან ბოლომდე ჩართული, შსს იყო მთლიანად მობილიზებული, ჩართული იყო სხვადასხვა უწყება და ამაზე იყო კონცენტრირებული თითოეული სახელმწიფო უწყება და ასეთ დროს, პარალელურ რეჟიმში, ჩვენ გვესმოდა სხვადასხვა ტიპის სპეკულაციები. ეს არის უბრალოდ დასანანი და ეს არის ის მაგალითი, რომელზეც ვიღაცებმა რაღაცები უნდა ისწავლონ“, - აღნიშნა პრემიერმა.
იმედი
წყარო: imedinews.ge