პრემიერი: წლიდან წლამდე ვითარდება საგზაო ინფრასტრუქტურა, საგზაო უსაფრთხოების ეროვნულ სტრატეგია მოგვცემს საშუალებას, ბევრად უფრო ავამაღლოთ უსაფრთხოების ხარისხი საქართველოს გზებზე, ამას სჭირდება თანმიმდევრული მიდგომა
ვითარდება წლიდან წლამდე საგზაო ინფრასტრუქტურა, რაც მოგვცემს იმის საშუალებას, რომ ბევრად უფრო ავამაღლოთ უსაფრთხოების ხარისხი საქართველოს გზებზე, - განუცხადა საქართველოს პრემიერ-მინისტრმა ირაკლი კობახიძემ ჟურნალისტებს.
მთავრობის მეთაურმა უპასუხა შეკითხვას, რომელიც საქართველოს მთავრობის მიერ დამტკიცებულ 2026-2030 წლების საგზაო უსაფრთხოების ეროვნულ სტრატეგიას ეხებოდა.
„ზოგადად, ეს არის ერთ-ერთი უმთავრესი გამოწვევა ჩვენთვის. აქ სტატისტიკის კუთხით არის არც თუ სახარბიელო მაჩვენებლები, მათ შორის გზებზე სიკვდილიანობის მაჩვენებელი. აქაც, ბევრად უფრო შემცირებულია წინა წლებთან შედარებით, მაგრამ ეს ჩვენ არ გვაკმაყოფილებს. ვითარდება წლიდან წლამდე საგზაო ინფრასტრუქტურა, რაც მოგვცემს იმის საშუალებას, რომ ბევრად უფრო ავამაღლოთ უსაფრთხოების ხარისხი საქართველოს გზებზე. ამას სჭირდება თანმიმდევრული მიდგომა და ამისათვის შეიქმნა საშუალოვადიანი, სტრატეგიული დოკუმენტი. ჩვენ დარწმუნებული ვართ, რომ ეს სტრატეგია გამოიღებს კონკრეტულ შედეგებს ჩვენი მოქალაქეებისთვის“, - აღნიშნა პრემიერმა.
იმედი
წყარო: imedinews.ge