პროტოპრესვიტერი გიორგი: ოჯახის სიწმინდის დღე მთელი საქართველოსთვის უმნიშვნელოვანესია და ამ დამოკიდებულებაში გამთლიანებულია როგორც საქართველოს წმინდა მართლმადიდებელი ეკლესია, ასევე ხელისუფლება და მთელი ქართველი ერი
ოჯახის სიწმინდის დღე მთელი საქართველოსთვის უმნიშვნელოვანესია და ამ დამოკიდებულებაში გამთლიანებულია როგორც საქართველოს წმინდა მართლმადიდებელი ეკლესია, ასევე ხელისუფლება და მთელი ქართველი ერი, - განაცხადა პროტოპრესვიტერმა, გიორგი ზვიადაძემ.
მისივე თქმით, პატრიარქი შიო მესამე წმინდა სინოდის მღვდელმთავრებთან, მთელ ქართველ ერთან ერთად გააგრძელებს ოჯახის სიწმინდის აღნიშვნას იმ ღირსებით, როგორც ეს დაამკვიდრა უწმინდესმა პატრიარქმა, ილია მეორემ.
„ბუნებრივია, ამას განსაკუთრებული მნიშვნელობა აქვს იმ ტრადიციების გათვალისწინებით, რაც უკავშირდება ღვთივკურთხეულ ქართველ ერს. წელს პირველად ხდება, რომ პატრიარქის გარეშე ვხვდებით ოჯახის სიწმინდის დღეს, რაც ძალიან დიდ გულისტკივილთანაა დაკავშირებული მთელი ქართველი ერისთვის. მაგრამ ღვთის მადლით, შესრულდა აღსაყდრება ახალი კათოლიკოს-პატრიარქის, მისი უწმინდესობისა და უნეტარესობის, შიო მესამის და საქართველოს პატრიარქი, წმინდა სინოდის მღვდელმთავრებთან, მთელ ქართველ ერთან ერთად გააგრძელებს ამ გზას, რაც უკავშირდება ოჯახის სიწმინდის აღნიშვნას იმ ღირსებით, როგორც ეს დამკვიდრებული იყო უწმინდესი პატრიარქის ილია მეორის მოღვაწეობის პერიოდში“, - აღნიშნა მამა გიორგიმ.
ოჯახის სიწმინდის დღესთან დაკავშირებით, 17 მაისს ქაშვეთის ტაძრის მიმდებარე ტერიტორიიდან სამების საკათედრო ტაძრამდე მსვლელობა გაიმართება, რის გამოც დედაქალაქის გარკვეულ ქუჩებზე მოძრაობა დროებით შეიზღუდება. მსვლელობა 11:00 საათზე დაიწყება.
17 მაისს, ოჯახის სიწმინდის დღესთან დაკავშირებით, ქაშუეთის ტაძრიდან სამების ტაძრამდე მსვლელობა გაიმართება.
იმედი
წყარო: imedinews.ge