ქუთაისში ფაშიზმზე გამარჯვების დღესთან დაკავშირებით მეორე მსოფლიო ომის მონაწილეთა ხსოვნას პატივი მიაგეს
იმედი|imedinews.ge
ფაშიზმზე გამარჯვების დღესთან დაკავშირებით, ქუთაისის მერმა დავით ერემეიშვილმა, საკრებულოს თავმჯდომარემ გიორგი ჭიღვარიამ, იმერეთში სახელმწიფო რწმუნებულის მოადგილემ გრიგოლ დალაქიშვილმა, ადგილობრივი ხელისუფლების სხვა წარმომადგენლებთან ერთად, გვირგვინებით შეამკეს გმირთა მემორიალი და პატივი მიაგეს მეორე მსოფლიო ომის მონაწილეთა ხსოვნას.
სასულიერო პირებმა პანაშვიდი გადაუხადეს ომში დაღუპულ გმირებს.
მეორე მსოფლიო ომის დასრულების 81-ე წლისთავს მხოლოდ ორი ქუთაისელი ვეტერანი შეხვდა - ორესტი ბერულავა და გუგული სალუქვაძე, მათ ქუთაისის მერმა და მერის პირველმა მოადგილემ მიულოცეს გამარჯვების დღე. ვეტერანებს ქუთაისის მუნიციპალიტეტის მერიის მიერ დაწესებული ფულადი ჯილდო გადაეცათ.
გაზიარება:
იმედი
წყარო: imedinews.ge