რადოსლავ სიკორსკი: არ გამიკვირდება, თუ მალე ზელენსკი ტრამპის საყვარელი პოლიტიკოსი გახდება

პოლონეთის საგარეო საქმეთა მინისტრმა იწინასწარმეტყველა, რომ უკრაინის პრეზიდენტი შესაძლოა მალე დონალდ ტრამპის საყვარელი პოლიტიკოსი გახდება. ამის მიზეზად რადოსლავ სიკორსიმ ის დაასახელა, რომ ვოლოდიმირ ზელენსკის ხელმძღვანელობით, უკრაინა რუსეთის სიღრმეში წარმატებულ დარტყმებს ახორციელებს, ტრამპს კი გამარჯვებულები მოსწონს.

„პრეზიდენტ ტრამპს გამარჯვებულები მოსწონს და აღმოჩნდა, რომ უკრაინას იმაზე უფრო ძლიერი კარტები აქვს, ვიდრე მას თავიდან ეგონა. უკრაინა საკუთარი დრონებითა და რაკეტებით რუსეთის სიღრმეში წარმატებით ახორციელებს დარტყმებს, ამიტომ არ გამიკვირდება, თუ მალე ზელენსკი მისი საყვარელი პოლიტიკოსი გახდება“, - აღნიშნა სიკორსიმ.