Reuters: ჩინეთი ჰორმუზის სრუტის რაც შეიძლება სწრაფად გახსნას და ცეცხლის შეწყვეტის შენარჩუნებას ითხოვს
ჩინეთი ჰორმუზის სრუტის რაც შეიძლება სწრაფად გახსნას და ცეცხლის შეწყვეტის შენარჩუნებას ითხოვს. ინფორმაციას Reuters-ი გაეროში ჩინეთის ელჩზე, ფუ ცონგზე დაყრდნობით ავრცელებს.
ფუ ცონგის თქმით, ჰორმუზის სრუტის გახსნა ორივე მხარის, ირანისა და შეერთებული შტატების ვალდებულებაა.
როგორც დიპლომატმა აღნიშნა, როცა მიმდინარე თვეს აშშ-ის პრეზიდენტი, დონალდ ტრამპი ჩინეთში ჩავა, ჰორმუზის სრუტის საკითხი ჩინეთის პრეზიდენტთან, სი ძინპინთან მოლაპარაკებების მთავარი თემა იქნება.
„ირანმა ჰორმუზის სრუტეზე დაწესებული შეზღუდვები უნდა მოხსნას, ხოლო აშშ-მა - საზღვაო ბლოკადა. ყველაზე გადაუდებელ საკითხს ცეცხლის შეწყვეტის რეჟიმის დაცვა წარმოადგენს. აღნიშნული რეჟიმი უნდა იყოს ხანგრძლივი და ორ მხარეს შორის კეთილსინდისიერი მოლაპარაკებები უნდა შედგეს. ვფიქრობ, საერთაშორისო საზოგადოება მობილიზებული უნდა იყოს და საბრძოლო მოქმედებების განახლების წინააღმდეგ ხმა აიმაღლოს“, - განაცხადა ჩინეთის ელჩმა.
იმედი
წყარო: imedinews.ge