Reuters: რუსი მილიარდერის, ალექსეი მორდაშოვის იახტამ ჰორმუზის სრუტე უპრობლემოდ გაიარა
იმედი|imedinews.ge
რუსული მილიარდერის ალექსეი მორდაშოვის ძვირადღირებულმა იახტამ ჰორმუზის სრუტე, ბლოკადის მიუხედავად, უპრობლემოდ გაიარა. ინფორმაციას Reuters-ი ავრცელებს.
სააგენტოს ცნობით, იახტა, რომლის ღირებულებაც 500 მილიონ დოლარს შეადგენს, დუბაის პორტიდან გავიდა და ომანის დედაქალაქ მასკატის პორტში შევიდა.
ჯერჯერობით უცნობია, როგორ მიიღო იახტამ ჰორმუზის სრუტის გადაკვეთის ნებართვა, რადგან, როგორც Reuters-ი წერს, თებერვლიდან ირანმა სრუტით გადაადგილება მკაცრად შეზღუდა.
მორდაშოვის წარმომადგენელს ოფიციალური კომენტარი არ გაუკეთებია.
გაზიარება:
IM
იმედი
წყარო: imedinews.ge