რითეილ ასოციაციის თავმჯდომარე: ასეთი სიღრმისეული შესწავლა, მინიმუმ სწრაფად მბრუნავი სამომხმარებლო პროდუქტების მიმართულებით არ მახსოვს. ეს ძალიან პოზიტიურია და მინდა ძალიან დადებითად შევაფასო
„ასეთი სიღრმისეული შესწავლა, მინიმუმ სწრაფად მბრუნავი სამომხმარებლო პროდუქტების მიმართულებით არ მახსოვს. ეს ძალიან პოზიტიურია და მინდა ძალიან დადებითად შევაფასო“, - განაცხადა გადაცემაში „ღია ეთერი-დებატები“ რითეილ ასოციაციის თავმჯდომარე და „გუდვილის“ გენერალურმა დირექტორმა გიორგი ხაბაშვილმა.
გიორგი ხაბაშვილის თქმით, ის მიგნებები, რაც დასკვნაშია გაჟღერებული, დიდწილად თანხვედრაშია თვითონ ბიზნესის ხედვასთანაც.
„ასეთი სიღრმისეული შესწავლა, მინიმუმ სწრაფად მბრუნავი სამომხმარებლო პროდუქტების მიმართულებით არ მახსოვს. ამასთან მიახლოებულიც კი და ეს ძალიან პოზიტიურია. მინდა ძალიან დადებითად შევაფასო. ის მიგნებები, რაც დასკვნაშია გაჟღერებული, დიდწილად თანხვედრაშია თვითონ ბიზნესის ხედვასთანაც. ჩვენც კარგად გვაქვს გააზრებული ის ფაქტი, რომ არსებობს მიწოდების ჯაჭვი. ხშირ შემთხვევაში არის ძალიან გრძელი, ზოგ შემთხვევაში არის მოუქნელი.
ბატონი პრემიერის სიტყვებს გამოვეხმაურები, მთავრობისა და საზოგადოების, მომხმარებლის საერთო მიზანია დაბალანსებული, მისაღები ფასები. აქ მე აუცილებლად დავამატებდი იმას, რომ რითეილის და ბიზნესის ასევე ძალიან მნიშვნელოვანი ინტერესია“, - აღნიშნა მან.
სასურსათო პროდუქციის, მედიკამენტების და საწვავის ფასწარმოქმნის სტრუქტურის შემსწავლელი პარლამენტის დროებითმა კომისიამ 104-გვერდიანი დასკვნა დაამტკიცა, რომელიც პროდუქტებზე ფასის შესამცირებლად რეკომენდაციებსაც მოიცავს. სრულად
იმედი
წყარო: imedinews.ge