რობერტ ფიცო: როდესაც პრეზიდენტ ტრამპს კარგად სძინავს, ფასები ეცემა - როდესაც არ სძინავს და რაიმე განცხადებას აკეთებს, ნავთობის ფასი ავტომატურად იზრდება
სლოვაკეთის პრემიერ-მინისტრმა, რობერტ ფიცომ გლობალურ ენერგეტიკულ ბაზარზე არსებული არასტაბილურობა და აშშ-ის პრეზიდენტის, დონალდ ტრამპის გავლენა მკვეთრი განცხადებით შეაფასა.
ფიცოს განცხადებით, მსოფლიო ისეთ წერტილამდე მივიდა, სადაც ეკონომიკური მაჩვენებლები, მათ შორის ნავთობის ფასი, ხშირად არა ობიექტურ საბაზრო ფაქტორებზე, არამედ ერთი ადამიანის განწყობაზეა დამოკიდებული.
„გაერო დღეს დაცინვის ობიექტად იქცა. ვინ გააჩერა ამერიკელები ერაყში? ვინ გააჩერა ისინი ირანში? ვინ გააჩერა ამერიკელები ვენესუელაში? ვშიშობ, რომ სხვა ქვეყნებიც მოხვდებიან მათი ინტერესის არეალში. პირველ რიგში კუბას ვგულისხმობ. გარდა ამისა, დანიისა და გრენლანდიის გარშემო არსებული აფერა არ დასრულებულა, აშშ იქ საკუთარი ინტერესების გამოვლენას კვლავაც აგრძელებს“, - განუცხადა ჟურნალისტებს ფიცომ.
„ჩვენ ნავთობის ფასების მხრიდან ზეწოლის ქვეშ ვართ, რაც იმაზეა დამოკიდებული, თუ როგორ სძინავს პრეზიდენტ ტრამპს. როდესაც მას კარგად სძინავს, ფასები ეცემა. როდესაც არ სძინავს და რაიმე განცხადებას აკეთებს, ნავთობის ფასი ავტომატურად იზრდება“, - დასძინა სლოვაკეთის პრემიერ-მინისტრმა.
TWITTER POST
იმედი
წყარო: imedinews.ge