რომეო ბექჰემი მსახიობი გახდა🎬

რომეო ბექჰემმა როლი მიიღო რომანტიკულ ფილმში „40 სიყვარული“. Variety-ს ცნობით, დევიდ და ვიქტორია ბექჰემების მეორე ვაჟს აქამდე კინოში არასდროს უთამაშია.

ფილმის რეჟისორი იქნება ფეშენ-ფოტოგრაფი პიერ-ანჟ კარლოტი, რომლისთვისაც ეს პროექტი ასევე სადებიუტო იქნება. 23 წლის ბექჰემთან ერთად ფილმში ითამაშებენ პოლ კირშერი, გიიომ კანე ბენჟამენ ვუაზენი და კატრინ დენევი.

სიუჟეტის ცენტრში დიდი ჩოგბურთის სუპერვარსკვლავის, საშა გალოს (კირშერი) ისტორიაა. ის მამასთან ერთად ვარჯიშობს, რათა პარიზში მთავარი ტიტული მოიპოვოს. რომეო ბექჰემი მთავარი გმირის ქარიზმატული მეტოქის როლს შეასრულებს.

მანამდე რომეო ბექჰემი ფეხბურთს თამაშობდა განაპირა თავდამსხმელის პოზიციაზე, თუმცა 2024 წელს სპორტული კარიერა მიატოვა და სამოდელო სფეროზე გადაერთო. მას უმუშავია ისეთ ცნობილ ბრენდებთან, როგორებიცაა Yves Saint Laurent და Balenciaga.