რომის პაპმა გააკრიტიკა ევროპული მთავრობები მიგრანტების მძიმე მდგომარეობის მიმართ გულგრილობის გამო

რომის პაპმა ლეო XIV-მ ხუთშაბათს ესპანეთის კუნძულ გრან-კანარიაზე ვიზიტისას მკაცრად გააკრიტიკა ევროპული მთავრობები მიგრანტების მძიმე მდგომარეობის მიმართ „გულგრილობის“ გამო.

არგინეგინის პორტში სიტყვით გამოსვლისას, სადაც ათასობით აფრიკელმა მიგრანტმა კოვიდპანდემიის პირველი დღეები ნავმისადგომთან იზოლაციაში, ადეკვატური საკვებისა და თავშესაფრის გარეშე გაატარა, პაომა ხელისუფლებას მოუწოდა, მეტი თანაგრძნობა გამოიჩინონ მათ მიმართ, ვინც „სიცოცხლის ძიებაში სიკვდილს რისკავს“.

„არ არის საკმარისი მხოლოდ ნაკადების მართვა, სტატისტიკის განაწილება, საზღვრების გაძლიერება ან მომხდარი სიკვდილიანობის გამო გლოვა“, - განაცხადა მან აუდიტორიის წინაშე, რომელთა შორის მიგრანტებიც იყვნენ. „თქვენ არ ხართ უბრალოდ ციფრები ან საქმის წარმოების ფაილები. თქვენ ხართ ადამიანები, რომლებმაც უკან მოიტოვეთ ოჯახები და სახლები. თქვენ გაქვთ ოცნებები, რომელთა აბუჩად აგდების უფლებაც არავის აქვს“.

რომის პაპმა გააკრიტიკა ევროპა იმის გამო, რომ იგი აცხადებს, თითქოს ადამიანის ღირსებას იცავს, თუმცა ამავდროულად „ეჩვევა იმას, რომ ხმელთაშუა ზღვა და ატლანტის ოკეანე უსაფლავო სასაფლაოებად იქცეს“.

„ადამიანის ღირსებას არ გააჩნია პასპორტი და ის საზღვრის გადაკვეთისას ფასს არ კარგავს“, - დასძინა მან.