რუმინეთის საგარეო საქმეთა მინისტრი მაკა ბოჭორიშვილს: მაქვს პატივი გადმოგცეთ ჩემი გულწრფელი მოლოცვა. ვსარგებლობ შესაძლებლობით და გამოვთქვამ რწმენას, რომ ჩვენს ქვეყნებს შორის ურთიერთობები კვლავაც კონსტრუქციული, პროგნოზირებადი და პრაგმატული გზით განვითარდება

საქართველოს ეროვნულ დღესთან დაკავშირებით, მაქვს პატივი გადმოგცეთ ჩემი გულწრფელი მოლოცვა, ხოლო ქართველ ხალხს მშვიდობა და კეთილდღეობა ვუსურვო, - აღნიშნულია რუმინეთის საგარეო საქმეთა მინისტრის, ოანა ცოიუს მისალოც წერილში, რომლითაც ის საქართველოს საგარეო საქმეთა მინისტრს, მაკა ბოჭორიშვილს მიმართავს და დამოუკიდებლობის დღეს ულოცავს.

„რუმინეთი აფასებს საქართველოსთან ურთიერთობას და მხარს უჭერს დიალოგისა და თანამშრომლობის შენარჩუნებას ორმხრივი ინტერესის ყველა სფეროში, როგორც ორმხრივ, ასევე რეგიონულ ფორმატებში.

დარწმუნებული ვარ, რომ ჩვენი ქვეყნები კიდევ უფრო გააღრმავებენ თანამშრომლობას შავი ზღვის დაკავშირებადობის პროექტების ფარგლებში, ამასთან, განსაკუთრებული ყურადღება დაეთმობა სატრანსპორტო კავშირების, ენერგეტიკული დერეფნებისა და ციფრული ინფრასტრუქტურის გაუმჯობესებას, რაც რეგიონული ინტეგრაციისა და ეკონომიკური მდგრადობის გაძლიერებას ემსახურება.

ვსარგებლობ შესაძლებლობით და გამოვთქვამ რწმენას, რომ ჩვენს ქვეყნებს შორის ურთიერთობები კვლავაც კონსტრუქციული, პროგნოზირებადი და პრაგმატული გზით განვითარდება.

გთხოვთ, მიიღოთ, მინისტრო, თქვენდამი ჩემი ღრმა პატივისცემა“, - აღნიშნავს რუმინეთის საგარეო საქმეთა მინისტრი ოანა ცოიუ.