საჰაერო ნავიგაციის უსაფრთხოების ევროპული ორგანიზაცია „ევროკონტროლი“: 26 ივლისს თბილისის საერთაშორისო აეროპორტში 196 აფრენა-დაფრენა განხორციელდა, რაც რეკორდული მაჩვენებელია
საჰაერო ნავიგაციის უსაფრთხოების ევროპული ორგანიზაციის „ევროკონტროლის“ ფრენების მონიტორინგის და ანალიზის ფარგლებში, 26 ივლისს თბილისის საერთაშორისო აეროპორტში 196 აფრენა-დაფრენა განხორციელდა, რაც მორიგი რეკორდული მაჩვენებელია. წინა რეკორდი 2025 წლის 30 აგვისტოს დაფიქსირდა, როდესაც 185 აფრენა - დაფრენა განხორციელდა.
სამოქალაქო ავიაციაში აფრენა-დაფრენის ზრდა თვითმფრინავების მიერ შესრულებული რეისების რაოდენობის მატებას ნიშნავს, რაც პირდაპირ უკავშირდება საქართველოს მთავრობის სწორ და თანმიმდევრულ პოლიტიკას სამოქალაქო ავიაციის განვითარების კუთხით. ევროკონტროლის ეს მონაცემი პირდაპირ მიუთითებს, რომ საქართველოში ფრენების ოდენობა ზრდადი დინამიკით ხასიათდება.
ევროკონტროლმა როგორც საქართველოს, ისე ზოგადად ევროპის სანავიგაციო სივრცეში შემავალი სახელმწიფოების შესახებ ინფორმაცია სოციალურ ქსელში გამოაქვეყნა. საავიაციო ანალიტიკური სამსახურის მიერ ჩატარებული კვლევის შედეგები ევროპაში ფრენების რაოდენობრივ და ხარისხობრივ მახასიათებლებს შეეხებოდა.
იმედი
წყარო: imedinews.ge