სახალხო დამცველი: დღეს განსაკუთრებით მნიშვნელოვანია ვიყოთ სოლიდარულნი, გვქონდეს ურთიერთპატივისცემა და რწმენა, რომ ძლიერ სახელმწიფოს თავისუფალი და თანასწორი საზოგადოება აშენებს - გილოცავთ საქართველოს დამოუკიდებლობის დღეს!
იმედი|imedinews.ge
საქართველოს სახალხო დამცველი ლევან იოსელიანი საქართველოს მოქალაქეებს დამოუკიდებლობის დღეს ულოცავს.
„26 მაისი ჩვენი ქვეყნის თავისუფლების, ერთიანობისა და ღირსების სიმბოლოა. სახალხო დამცველი ულოცავს საქართველოს თითოეულ მოქალაქეს ამ დღეს და მათ მშვიდობას, სამართლიანობასა და დაცულ გარემოში ცხოვრებას უსურვებს.
დამოუკიდებლობა ეს არის ყოველდღიური პასუხისმგებლობა - დავიცვათ ადამიანის უფლებები და დემოკრატიული ღირებულებები. დღეს განსაკუთრებით მნიშვნელოვანია ვიყოთ სოლიდარულნი, გვქონდეს ურთიერთპატივისცემა და რწმენა, რომ ძლიერ სახელმწიფოს თავისუფალი და თანასწორი საზოგადოება აშენებს.
გილოცავთ საქართველოს დამოუკიდებლობის დღეს!“, - ნათქვამია ომბუდსმენის მილოცვის წერილში.
გაზიარება:
IM
იმედი