სამხრეთ კორეის საფეხბურთო ნაკრებმა მსოფლიო ჩემპიონატზე გამოსვლა გამარჯვებით დაიწყო

სამხრეთ კორეის საფეხბურთო ნაკრებმა მსოფლიო ჩემპიონატზე ასპარეზობა გამარჯვებით დაიწყო. თამაში მექსიკის ქალაქ საპოპანში გაიმართა.

სამხრეთკორეელებმა სადებიუტო მატჩში ჩეხეთის ეროვნული ნაკრები ანგარიშით 2:1 დაამარცხეს.

ანგარიში 59-ე წუთზე ჩეხეთის ნაკრების ფეხბურთელმა ლადისლავ კრეიჩიმ გახსნა. 67-ე წუთზე კორეელებმა ანგარიში გაათანაბრეს. გოლი ხვან ინ ბიომ გაიტანა.

მე-80 წუთზე ო ხიონ კიუმ ანგარიში 2:1 გახადა და სამხრეთკორეელები წინ გაიყვანა. შეხვედრა ანგარიშით 2:1 დასრულდა.

ეს იყო A ჯგუფის მეორე თამაში. პირველი მატჩი მექსიკასა და სამხრეთ აფრიკას შორის მექსიკელების გამარჯვებით, ანგარიშით 2:0 დასრულდა. ამრიგად, A ჯგუფის ლიდერები მექსიკისა და სამხრეთ კორეის ნაკრებები გახდნენ.