საფრანგეთის ყოფილი პრემიერი ედუარ ფილიპი საპრეზიდენტო არჩევნებში მიიღებს მონაწილეობას

საფრანგეთის პრეზიდენტობისთვის ქვეყნის ყოფილი პრემიერ-მინისტრი ედუარ ფილიპი იბრძოლებს. მან მომავალი წლის საპრეზიდენტო არჩევნებისთვის კამპანია უკვე დაიწყო.

ცნობას Politico ავრცელებს და აღნიშნავს, რომ ამ ეტაპზე ედუარ ფილიპი ერთადერთი კანდიდატია, რომელიც გამოკითხვების ფავორიტი, ჯორდან ბარდელასა და მარინ ლე პენისთვის სერიოზული კონკურენციის გაწევას შეძლებს. არჩევნები საფრანგეთში მომავალ წელს გაიმართება.