საფრანგეთის „მწვანეთა“ პარტიამ განაცხადა, რომ მთავრობის წინააღმდეგ უნდობლობის ვოტუმს დააყენებს, რაც უკავშირდება ტემპერატურული რეკორდების ფონზე მთავრობის არაეფექტურ მუშაობას
საფრანგეთის „მწვანეთა“ პარტიამ სამშაბათს განაცხადა, რომ მთავრობის წინააღმდეგ უნდობლობის ვოტუმს დააყენებს, რაც უკავშირდება ტემპერატურული რეკორდების ფონზე მთავრობის არაეფექტურ მუშაობას.
საფრანგეთის პრემიერ-მინისტრ სებასტიან ლეკორნუს უმცირესობის მთავრობის გადაყენების მცდელობას წარმატების მცირე შანსი აქვს, თუ მას მხარს არ დაუჭერენ სხვა ოპოზიციური პარტიები, მაგალითად, „ეროვნული გაერთიანება“ ან სოციალისტები.
გასულ წელს, მას შემდეგ, რაც ლეკორნუ პრემიერ-მინისტრი გახდა, სოციალისტებს მისი მთავრობის წინააღმდეგ ინიცირებული ექვსივე უნდობლობის ვოტუმისთვის მხარი არ დაუჭერიათ.
თუმცა, პრემიერ-მინისტრი და მისი გუნდი მკაცრი კრიტიკის სამიზნე გახდნენ ასეთი ექსტრემალური სიცხისთვის მოუმზადებლობის გამო. საფრანგეთის კონტინენტურ ნაწილში ზედიზედ სამი დღის განმავლობაში საშუალო დღიური ტემპერატურა რეკორდულად მაღალი იყო. მსხვილ ქალაქებში ტემპერატურამ რამდენჯერმე 40 გრადუსს გადააჭარბა, ქვეყანა კი, თავის მხრივ, არცთუ ისე კარგადაა აღჭურვილი კონდიცირებისა თუ სხვა გასაგრილებელი სისტემებით.
იმედი
წყარო: imedinews.ge